MƏLUMAT

Səhiyyə Nazirliyinin Mətbuat Xidmətinin dəstəyi ilə təşkil olunan maarifləndirici görüşlərdə Səhiyyə Nazirliyi İctimai Səhiyyə və İslahatlar Mərkəzinin (İSİM) baş hüquqşünası Səbuhi Abdullayev səhiyyə qanunvericiliyi və bununla bağlı son yeniliklər, səhiyyədə inzibati xətalara görə qanunvericiliklə müəyyən olunan cərimələr, icbari tibbi sığorta və publik hüquqi şəxs məsələləri və bir çox digər mövzular üzrə çıxışlar etdi.

Göyçay, Ağdaş və Gədəbəy rayonlarının mərkəzi xəstəxanalarının baş həkimləri və xəstəxanaların idarəetmə heyəti üzvlərinin xüsusi fəallıqla iştirak etdikləri bu tədbirlər, ümumiyyətlə səhiyyə işçiləri tərəfindən böyük maraqla qarşılandı, onların bütün aidiyyəti sualları cavablandırıldı.

Səhiyyə Nazirliyinin “İnzibati xətalara dair baxılan işlər üzrə icraatın gücləndirilməsi barədə” 10 fevral 2017-ci il tarixli  12 nömrəli əmrinin 3-cü bəndinə əsasən təşkil olunan tədbirlərdə xəstəxana rəhbərlikləri və tədbir iştirakçıları həm əhali, həm də səhiyyə işçiləri üçün bu cür əhəmiyyətli görüşlərin keçirilməsinə görə Səhiyyə Nazirliyinə və İSİM-ə öz minnətdarlıqlarını bildirdilər.

---

Coğrafi əhatə: Ağdaş; Gədəbəy; Göyçay; Hacıqabul; Ucar;

Əhali kateqoriyası:

İcraçılar: İSİM; Səhiyyə Nazirliyinin Mətbuat Xidməti;

Təşkilatçılar: Səbuhi Abdullayev;

Koordinatorlar: Səbinə Babazadə;

Kuratorlar: Rahib Məmmədov;